“Хан Хэнтийн Хүннүгийн дурсгал-Дуурлиг нарс” хэмээх үзэсгэлэнгийн нээлт саяхан Хэнтий аймгийн Чингис хотын музейд боллоо.
Үзэсгэлэнд Дуурлиг нарсны дурсгалт газарт археологийн малтлага хийхэд илэрсэн Хүннүгийн язгууртнуудын хэрэглэж байсан эдийн соёлын дурсгалт зүйлс болох шавар ваар сав, морин тэрэгний эд анги, морины тоног хэрэглэл, олон төрлийн гоёл чимэглэлийн зүйлс, хаш эдлэлүүд, хүрэл болон төмөр тогоо, сумын зэв, хутга, сэлэм, билүү чулуу, дэнгийн цөгц, авсны алтан чимэг зэрэг 130 гаруй ховор, нандин олдворыг дэлгэжээ.
↧