Хятад улсын өмнөд хэсэгт орших Шэнчэнь хотод зургаан настай Гуо Бин хүүгийн нүдний эвэрлэг бүрхэвчийг хулгайлж, нүдийг нь ухсан аймшигт хэрэг өнгөрсөн наймдугаар сард гарсан.
Хөөрхий хүү хэд хэдэн томоохон мэс засал хийлгэсний дүнд хиймэл нүдтэй болж, өнөөдөр эмнэлгээс гарчээ.
“Хиймэл нүд нь энгийн нүд шиг харагдан хөдөлдөг боловч түүний харааг сэргээж чадахгүй” гэж эмч нар хэлсэн байна. Түүнчлэн хүү дараа зун гэхэд хараагүй хүмүүст зориулсан тусгай мэдрэгчтэй болох юм.
↧