Татвар төлөгчдийн мөнгөөр тансаглавал ингэдэг юм үедээ буруу үйлдлээр үлгэрлэж, төрсөн хүүгээ хүртэл авлигын аалзны торонд “хүлсэн” түүнд хийсэн хэргийнх нь төлөө шүүхээс наймхан жилийн ял ногдуулсан.
Наймхан хэмээн чамласны учир нь Ч.Гансүхийн аавынх нь дансаар гэхэд л 16 тэрбум, хүүгийнх нь дансанд 1-2 тэрбум төгрөг эргэлдсэн байдаг. Нууц амрагийн “ажлыг” таван тэрбумын үнэд хүргэсэн “гавъяатай” гээд түүнийг цоллох гуншингууд өнгөрсөн саруудад хэвлэлийн хуудаснаа хөвөрч байлаа.
Энэ хэргийн дараа хүүхнүүд баян эрхмийн нууц амраг тэр тусмаа төрийн албанд гайгүйхэн шиг албан тушаал хашдаг хэн нэгний нууц амраг болвол дансандаа мөнгийг хэдэн тэрбумаар нь эргэлдүүлж, гадаад дотоод явж, галуу, шувууны мах идсэн шиг амьдарч болох тухай ч ярьж байв. Бүхэлдээ энэ гэр бүлийнхэн хүний өөрийнгүй мөнгөний үнэр авч, түүнийхээ араас үхэн хатан шунаж байсан хэрэг.
Гэхдээ гай газар дороос гэгчээр нэг л өдөр улсын мөнгөнөөс хумсалсан хэргийг нь АТГ-ынхан илрүүлчихнэ чинээ санаагүй явсан нь тодорхой. Хамт ажиллагсад нь өмссөн пальтогоо сольж үзээгүй эгэл даруу даргыгаа ийм их мөнгө идчихсэн гэдэгт нь өнөө хэр итгэж чадахгүй, хөөрхий буурал дарга минь хэмээн нүдэндээ нулимстай зогсоо гэсэн. Гэхдээ өмссөн пальтогоо ч сольж үзээгүй гэх тодотголтой энэ эрхэм мөнгөтэй хүн хуулийнхныг яаж хөдөлгөж болдогийг өнгөрсөн шүүх хурлын үеэр харуул
↧