Арван сартай хүүгээ Гандангийн хүрдний хажууд орхиод явсныг өчигдөр 20.10 цагт хүн олж, Баянгол дүүргийн цагдаагийн хэлтэст мэдэгджээ. Цагдаагийнхан 22.00 цагт ЭХЭМҮТ-д хүргэж өгсөн байна. Тус эмнэлгийнхэн хүүхдэд эрүүл мэндийн үзлэг, шинжилгээ хийхэд эрүүл байсан тул Нялхсын сувилалд шилжүүлжээ. “Өсөлтийн хоцрогдолгүй, бойжилт хэвийн хүүхэд байсан” гэж ээлжийн эмч нь ярьсан байна.
↧