Азийн хоккейн холбооноос зохион явуулдаг “Challenge Cup” олон улсын тэмцээн энэ сарын 16-нд АНЭУ-ын нийслэл Абу Даби хотноо эхэлсэн. Энэхүү тэмцээнд Тайланд, Тайвань, Хонконг, Кувейт, Монгол, эзэн орны нийт зургаан баг өрсөлдсөн. Эхний тоглолтондоо Тайваны багт долоон онооны зөрүүгээр хожигдсон ч удаах гурван тоглолтонд дараалан ялалт байгуулсан. Тайваны баг нэг ч ялагдалгүй тус тэмцээнд түрүүлэх болзлоо хангасан. Эзэн орны багтай Монголын баг мөнгөн медалийн төлөө тоглож ялагдснаар хүрэл медаль хүртсэн байна.
↧