Нэг жилийн өмнө төгсөх ангийн сурагч болох гэж их догдолж байсан маань сэтгэлд минь тодхон санагдаж байна. Дунд сургуулийн 12-р ангид орж байсан хичээлийн шинэ жилийн эхний өдөр “Төгсөх хүртэл, ирэх хавар ч хол байна даа” гэж бодож байсан ч нүд ирмэхийн зуур л төгсөх болж цаг хугацаа хурдан өнгөрөх шиг л болсон. Дунд сургуулийн 12-р анги бол юу юунаас илүү хариуцлагатай жил, энэ үед чиний жинхэнэ амьдралын эхлэл ч тавигдаж болно. Учир нь мэргэжил сонголт, сургууль сонголтоо хийхийн тулд Элсэлтийн Ерөнхий Шалгалт хэмээх давааг давах хэрэгтэй болно.
↧