Монголын урлагийн зөвлөлийн урилгаар АНУ-ын “Нью-Йорк Сити балет” компанийн гоцлол найман бүжигчин манай оронд ирсэн.
Алдартай бүжигчид өнөөдөр орой “Америкийн бүжгийн одод” тоглолтоо Дуурь бүжгийн эрдмийн театрын тайзнаа тоглох юм.
Ийнхүү Америкийн гоцлол бүжигчид Монголын бүжигчид, хөгжимчидтэй хамтарч эрчимтэй бэлтгэлээ хийсэн.
Хоёр өдрийн турш үзэгчдийг баясгаж, сонорыг мялаах тоглолтоороо шинэхэн бүтээлүүдийг сонирхуулахаас гадна П.И.Чайковский, Игорь Стравинский Америкийн хөгжмийн зохиолч Жон Филип Суза, Луй Моро Готшалк нарын хөгжим, Америкийн балетын урлагийн нэрт зүтгэлтэн, бүжиг дэглээч Жорж Баланчины урын сангийн сор бүтээлүүдийг УДБЭТ-ын симфони, найрал хөгжимтэй хамтран толилуулах юм.
↧