Монгол реппер Gee буюу Т.Мөнх-Эрдэниийг дугаарын зочноор урилаа.
Тэрээр саяхан “Geeometry” хэмээх шинэ цомгоо танилцуулсан юм. Түүнтэй уран бүтээл, үзэл бодлынх нь тухай ярилцсанаа хүргэе.
-Шинэ цомог чинь ямар онцлогтой вэ. Энэ тухай яриагаа эхлэх үү?
-Gee-гийн үзэл бодол, уран бүтээлийг илэрхийлсэн шинэ цомог гэж ойлгож болно. 14 дуу багтсанаас 11 нь цоо шинэ бүтээл.
-Таны үзэл бодол гэхээр хурц, ширүүн үгтэй гэж ойлгож болох уу?
-Миний хүрээний сонсогчид намайг, үзэл бодлыг минь ойлгодог, дэмждэг. Тэгээд ч хип хоп бол үнэнийг хэлэх урлаг шүү дээ. Нийгэмд юу болохгүй байна. Тэр бүхнийг уран бүтээлдээ тусгахыг хүсч ирлээ. Үнэн үг хүчтэй байдаг.
↧