Засгийн газрын энэ оны гуравдугаар сарын 21-ний хуралдаанаар нүүрсний экспортыг нэмэгдүүлэх, гадаад худалдааны тэнцвэрийг сайжруулах бодлогын хүрээнд Гашуунсухайтын боомтыг БНХАУ-ын Ганцмодны боомттой холбосон нарийн төмөр зам барьж, ашиглах чиг үүрэгтэй “Гашуунсухайтын төмөр зам” компанийг холбогдох аж ахуйн нэгжүүдтэй хамтран байгуулах шийдвэр гарсан.
Шийдвэр дөрөвдүгээр сарын 07-ны өдөр ажил хэрэг болж, Монголын талаас Эрдэнэс-Тавантолгой ХК, Энержи Рерурс ХХК, Тавантолгой ХК, БНХАУ-ын Шэньхуа компанийн оролцоотой “Гашуунсухайтын төмөр зам” хамтарсан компанийг үүсгэн байгуулах гэрээнд гарын үсэг зурлаа.
- See more at: http://zasag.mn/news/view/5089#sthash.sSFytrec.dpuf
↧