Соёл, спорт, аялал жуулчлалын дэд сайд М.Түмэнжаргал Монголын ажилтан, албан хаагчдын ҮЭ-ийн холбоотой хамтран ажиллах хэлэлцээрт гарын үсэг зурлаа.
Энэхүү хэлэлцээр нь ССАЖЯам болон Монголын ажилтан, албан хаагчдын ҮЭ-ийн холбооны бүрэн эрхт төлөөлөгчид ҮЭ-үүдийн эрхийн тухай хуулийн тавдугаар зүйлийн гурав, дөрөв дэх хэсэг, Монгол улсын “Хөдөлмөрийн тухай хууль”-ийн хоёрдугаар бүлгийн 19, 20дугаар зүйлийг тус тус үндэслэн салбарын ажилтнуудын хөдөлмөрийн харилцаа, түүнтэй холбогдсон нийгэм, эдийн засаг, хүний эрхийн хууль ёсны ашиг сонирхолыг хамгаалахтай холбогдсон нийтлэг бодлогын асуудлаар 2013-2014 онд баримтлах үндсэн зарчмуудыг тохиролцож, уг хэлэлцээрийг байгуулж байгаа юм.
↧