Ерөнхийлөгч Ц.Элбэгдорж, УИХ-ын дарга З.Энхболд, Ерөнхий сайд Н.Алтанхуяг Танаа
Улаанбаатар хотын утаа гамшгийн хэмжээнд хүрч, утаагаар амьсгалах олны амь дээсэн дөрөөн дээр ирсэн энэ цагт эрхэм та бүхэн Чингисийн талбайд уриа лоозон барьж, жагсвал яасан юм бэ. Монгол Улсын Үндсэн хуульд “Хүн бүр амьд явах эрхтэй” гэсэн заалт бий.
Энэ заалтаа хэрэгжүүлж, “Улаанбаатарын утааг арилгахын төлөө” гэсэн улстөрчдийн жагсаал зохион байгуулаад үзээч.
Ингэхдээ Ерөнхийлөгчийн зүгээс улс төрийн намуудыг үндэсний зөвшилцөлд уриалж, тэднийг нэг талд гаргах оролдлогыг эхлүүлчих. Ийн учирлан гуйх, шахаж шаардах үндэс нь өнөөдрийн Улаанбаатарын агаарын бохирдол болчихоод байна.
↧