Дархан-Уул аймгийн Тээвэрчдийн холбооноос нийт Дарханчуудад хандаж “Архигүй цагаан сар-Архигүй ажлын байр” уриалга гаргалаа.
Уг уриалгад "Сүүлийн жилүүдэд улсын хэмжээнд авто тээврийн осол зөрчлийн улмаас олон хүн амиа алдаж гэмтэл согогтой болж гэмт хэрэгт холбогдон сэтгэл зүйн болон эдийн засгийн гарз хохирол амсаж байна. Гол шалтгаан нь тухайн жолооч согтуугаар тээврийн хэрэгсэл жолоодсоны улмаас үүдэлтэй. “Сархад савнаасаа бусдыг дийлнэ” гэдэг үгийг санацгаая. Иймээс жолооч нар өөртөө дүгнэлт хийж бусдыг хүндэтгэж өөртөө эзэн болж хамтын хүч, өөрийн идэвх чармайлтаар “Жолооны ард согтуу суухгүй” гэдэгт итгэлтэй байна. Ирж буй ялгуусан хэмээгч модон морин жилийн цагаан сараар тээвэрчид архигүй хүн арддаа айх аюулгүй амгалан тайван үйлчлэхийг уриалж байна" гэжээ.
↧