АНУ болон Өмнөд Солонгос жил бүр хамтарсан цэргийн сургуулилт хийдэг уламжлалтай. Харин энэ жил хоёрдугаар сард болохоор төлөвлөсөн цэргийн сургуулийг Хойд Солонгосын тал “сүйрэлд хүргэж мэдэх өдөөн хатгалга” хэмээн нэрлээд , хоёр орноос энэ сургуулилтаа цуцлахыг шаарджээ. Энэ шаардлагын хариуд Өмнөд Солонгос “Цэргийн сургуулилт нь батлан хамгаалахын зорилготой жил бүрийн бэлтгэл” хэмээжээ. Гэвч өнгөрсөн онд Хойд Солонгос цөмийн туршилт хийсний дараахан цэргийн сургуулилт хийснээр Солонгосын хойгт нөхцөл байдал ширүүсч байв.
↧