Тоглолтын сэтгэл хөдлөл, онцлох агшнууд, цэнгэлдэхийн уур амьсгал гээд бүх зүйлээрээ үзэгчдийг огшоож чадсан Мадридын дерби тэнцээгээр өндөрлөлөө. Талбайн эзэн Атлетико Мадрид хэдийгээр 2 гоол дараалж оруулан тоглолтыг тэргүүлж эхлэсэн ч дэлхийн шилдэг хөлбөмбөгчин К.Роналду тооны харьцааг тэнцүүлж чадсан юм. Хэдийгээр бүтэн оноо авч чадаагүй ч Реал Мадрид лигийг ганцаараа тэргүүлсэн хэвээр үлдлээ. Улирлын эхэнд Сантьяго Бернебауд Диего Коштагийн оруулсан гоолын ачаар 1:0-ээр ялалт байгуулсан Атлетико Мадрид 1951 оноос хойш анх удааг нэг улиралд хөрш багаа 2 хожсон амжилт үзүүлэхэд тун ойрхон байв.
↧