Монгол Улсын гавъяат тамирчин Ц.Шаравжамц хүүхдийн сагсан бөмбөгийн клубынхаа нээлтийг хийлээ. Гавъяатын хоёр хүү болох Ш.Энхийн-Од, Ш.Мөнхийн-Од өсвөрийн сагсан бөмбөгийн аварга шалгаруулах тэмцээнд түрүүлж, шилдэг тоглогчоор шалгарсан. Үүний дараахан Ц.Шаравжамц гавъяат хүүхдийн клуб байгуулж хоёр хүүгээ өөрөө дасгалжуулна гэдгээ фейсбүүк хуудаснаа бичсэн. Түүний том хүү нь 15 настай атлаа 191 см өндөр аж. Тэрээр 10-15 насны охид, хөвгүүдийг дасгалжуулахаар “Старс” клубынхаа үйл ажиллагааг албан ёстой эхлүүлээ. Хэдхэн хоногийн өмнө гавьяатыг клуб нээх талаар бичингүүт л суралцах хүүхдийн тоо шуудхан бүрдчихсэн.
↧