Монгол улсын ерөнхийлөгчийн сонгуулийн тухай хуулийн 27.7-д сонгуулийн ерөнхий хороо бүртгэсэн нэр дэвшигчид Монгол Улсын Ерөнхийлөгчид нэр дэвшигчийн үнэмлэхийг санал авах өдрөөс 35 хоногийн өмнө нэгдсэн журмаар олгоно гэж заасан байдаг.
Энэ дагуу Ерөнхийлөгчийн сонгуульд АН-аас нэр дэвшиж буй одоогийн Ерөнхийлөгч Ц.Элбэгдорж, МАН-аас нэр дэвшигч, УИХ-ын гишүүн Б.Бат-Эрдэнэ, МАХН-аас нэр дэвшигч, Эрүүл мэндийн сайд Н.Удвал нар нэр дэвшигчийн үнэмлэхээ өнөөдөр гардан авлаа.
Ингэснээр Монгол улсын ерөнхийлөгчийн сонгуулийн тухай хуулийн 33.1-д заасны дагуу нэр дэвшигч үнэмлэхээ авсан өдрөөс эхлэн сонгуулийн сурталчилгаагаа эхлүүлж, санал авах өдрийн өмнөх өдөр дуусгах болж байна.
Х.Алтанзагас
↧