Манай оронд дөрөв дэх жилдээ зохиогдож буй “Mongolia Bike Challenge” олон улсын дугуйчдын холын зайн уралдаан өнгөрсөн амралтын өдөр “Цонжин Болдог” дахь Чингис хааны морьт хөшөө цогцолборт нээлтээ хийлээ.
Уралдаанд 23 орны нийт 108 дугуйчин гараанаас зэрэг гарав. Тэд Хэнтий аймгийн үзэсгэлэнт байгалиар долоо хоногийн турш нийт 910 гаруй км замыг туулсаар ирэх ням гаригт Төв аймгийн Эрдэнэ сумын нутаг дахь “Genco Tour Bureau” компанийн XIII зуун цогцолборт бариалах юм.
Тамирчид уралдааны явцад уламжлал ёсоор спортсмен, хаан, мастер-1, мастер-2, ахмадын болон эмэгтэйчүүдийн, хос дугуй гэсэн долоон төрөлд өрсөлдөх билээ.
↧