Сониныхоо “Аврал эрэн мэлтрэх Аварга тосон нуур” нийтлэлтэй холбогдуулан Монголын үйлдвэрчний байгууллагыг олон жил удирдаж, ард иргэдийнхээ эрх ашгийн төлөө тууштай тэмцэж яваа, УИХ-ын гишүүн С.Ганбаатартай цөөн хором ярилцаж санал бодлыг нь сонсов.
-Та, Хэрлэний хөдөө аралын талаар ямар ойлголт мэдээлэлтэй байна. Ер нь тэр нутгаар явж, үзэж танилцаж байв уу?
-Хэрлэний хөдөө аралын талаар би маш их мэдээлэлтэй байдаг. Ер нь монгол хүн бүр мэдэж, дээдлэн хүндэтгэж байх учиртай ариун дагшин сайхан газрын нэг. Би 2003 оноос хойш хүүхэд залуучуудад эх орныхоо байгалийн сайхан, түүхийн дурсгалт газрууд, өвөг дээдсийнхээ агуу их соёлтой танилцуулах зорилгоор “Хөх цэрэг” аяллыг санаачлан зохион байгуулж байгаа.
↧