Замын хөдөлгөөний ачааллыг бууруулах зорилгоор нэгдүгээр эгнээнд болон зөвшөөрөлгүй газар автомашинаа тавьсан тохиолдолд тусгай зориулалтын ачигч машинаар ачих тухай нийслэлийн Засаг даргын захирамж гарсан билээ.
Захирамжийн хүрээнд 08 сарын 30-аас хойш тусгай зориулалтын 8 машинаар хөдөлгөөнд саад учруулж, зорчих хэсгийн нэгдүгээр эгнээнд зогссон тээврийн хэрэгслийг тусгай зориулалтын автомашинаар зөөж шилжүүлэх, ачиж буулгах ажлыг Замын хөдөлгөөний удирдлагын төвөөс зохион байгуулж байна.
Хэрэв та зогсох хориотой газар зогсон автомашинаа ачуулсан бол суудлын машин (900-2500cc) 60 000 төгрөг, дунд оврын машин (2501-3900cc) 70 000 төгрөг, том оврын машин (3901cc-ээс дээш) 80 000 төгрөгийн хураамжийг дансаар төлөх юм байна.
↧