Хятадын коммунист намын Улс төрийн товчооны нөлөө бүхий гишүүн асан Бо Силайг шүүх хурал өндөрлөнгүүт тус улсын Засгийн газрын дэргэдэх төрийн өмчийн хяналт, удирдлагын хорооны дарга Зян Земинийг саатуулан шалгаж эхэлжээ.
“Синьхуа” агентлагийн мэдээлснээс үзвэл өнгөрсөн гуравдугаар сард сайдын дайтай энэ албан тушаалд томилогдсон 58 настай Зян Земинийг ноцтой алдаа дутагдал гаргасан гэж үзэж байгаа аж. Зян Земин үүнээс өмнө долоон жилийн турш Хятадын төрийн өмчит томоохон газрын тос, байгалийн хийн “CNPC” корпорацийг тэргүүлж байжээ. Хонгконгийн “Саут Чайна морнинг пост” сонины мэдээлснээр сүүлийн хэдэн сарын дотор тус корпорацийн хэд хэдэн дэд захирлыг баривчилсан гэнэ.
↧